АНУ-аас Хятадын мэдээллийн сүлжээний салбарт авсан хориг арга хэмжээний асуудлаар Хятадын Худалдааны яамны хэвлэлийн төлөөлөгч мэдээлэл хийв.
Хятадын Худалдааны яамны хэвлэлийн төлөөлөгч энэ үеэрээ: “Сүүлийн жилүүдэд АНУ Хятадын нэгдсэн мэдээллийн сүлжээний салбарт 301-р заалтын мөрдөн шалгалт, экспортын хяналтын арга хэмжээ зэрэг цуврал хориг арга хэмжээ авч хэрэгжүүлсэн. Эдгээр алхам нь Хятадыг тусгайлан ялгаварлан гадуурхсан шинжтэй бөгөөд Хятадын дэвшилтэт компьютерийн чип, хиймэл оюун ухаан зэрэг өндөр технологийн салбарын хөгжлийг хязгаарлаж, таслан зогсоох зорилготой байна. Эдгээр хориг арга хэмжээ нь Хятадын хөгжлийн ашиг сонирхолд ноцтой хохирол учруулаад зогсохгүй, дэлхийн хагас дамжуулагчийн үйлдвэрлэл, ханган нийлүүлэлтийн сүлжээний тогтвортой байдлыг алдагдуулж байна. Иймээс Хятадын тал үүнийг эрс эсэргүүцэж байна” гэсэн байна.
Хятадын Худалдааны яам “БНХАУ-ын Гадаад худалдааны хууль”-ийн 7, 36, 37 дугаар зүйлд үндэслэн АНУ-аас Хятадын эсрэг авч буй арга хэмжээ нь ялгаварлан гадуурхсан эсэхийг тогтоох мөрдөн шалгалт албан ёсоор эхлүүлж, бодит нөхцөл байдалд тулгуурлан Америкийн эсрэг зохих хариу арга хэмжээг авч хэрэгжүүлэх гэнэ.
Г.Бямба
