Японы олон улсын хамтын ажиллагааны Жайка байгууллагын “Өвсний үндэс хөтөлбөр”-ийн “Орон нутгийн иргэдийн уур амьсгалын өөрчлөлтөөс үүдэлтэй гамшгийн эрсдэлийг даван туулах чадварыг сайжруулах” төслийн хүрээнд хүүхэд багачуудад гамшгийг таньж мэдэх, түүнээс урьдчилан сэргийлэх мэдлэг олгох, гамшгийн эрсдэлийг бууруулах зурагт боосай картыг сурталчлах өдөрлөгийг 2025 оны 9 дүгээр сарын 08-ны өдөр зохион байгуулж ажиллалаа.
Өдөрлөгт Өмнөговь аймгийн ерөнхий боловсролын сургуулиудын ахлах ангийн нийт 100 гаруй сурагч нар оролцож гамшгийн эрсдэлийг бууруулах, урьдчилан сэргийлэх талаар мэдлэгт суралцсан юм. Энэхүү зурагт карт буюу “Боосай” карт нь Японы уламжлалт тоглоом бөгөөд тус картаар дамжуулан хүүхэд, багачуудад гамшгаас урьдчилан сэргийлэх, гамшгийн эрсдэлийг бууруулах боловсрол олгох юм байна.
Тус зурагт картыг төслийн баг, Өмнөговь аймгийн хүүхэд, багачуудтай хамтран “Боосай” картыг шинээр бүтээх бөгөөд Говийн бүсийн төв-Өмнөговь аймгийн Онцгой байдлын газар, Ерөнхий боловсролын 1-р сургууль, Нагояа Их сургууль, Монгол Улсын их сургууль, ШУА-ийн Газарзүй, геоэкологийн хүрээлэн хамтран хүүхэд, багачуудад түгээн дэлгэрүүлэх зорилогоор энэхүү өдөрлөгийг зохион байгуулж ажиллалаа.
ЭРСДЭЛГҮЙ ӨМНӨГОВЬ-БИДНИЙ ИРЭЭДҮЙ
