Монгол Улсын Ерөнхийлөгчийн 2017 оны 81 дүгээр зарлигаар батлагдсан “Цэргийн дүрэмт хувцас, цол ялгах тэмдгийн загвар батлах тухай”, Зэвсэгт хүчний Жанжин штабын даргын 2021 оны А/167 дугаар тушаалаар батлагдсан “Цэргийн дүрэмт хувцас өмсөх дүрэм”, Онцгой байдлын ерөнхий газрын даргын 2025 оны 10 дугаар сарын 17-ны өдрийн А/421 дүгээр тушаал, Говийн бүсийн төвийн захирагчийн 2025 оны А/09 дүгээр тушаалын дагуу Говийн бүсийн төв – Өмнөговь аймгийн Онцгой байдлын газрын нийт бие бүрэлдэхүүнийг хүйтний улирлын хувцсанд шилжүүллээ.
Хүйтний улирлын хувцсанд шилжих ажлын хүрээнд бие бүрэлдэхүүний дүрэмт хувцасны бүрдэл, цэвэр байдал, цол тэмдгийн байрлал, жагсаалын сахилга бат, гадаад үзэмжийг шалгах нэгдсэн үзлэг зохион байгууллаа.
Үзлэгийн үеэр Онцгой байдлын газар, гал түймэр унтраах, аврах 21, 44, 66, 67 дугаар анги, эрэн хайх аврах салбар, улсын нөөцийн 114 дүгээр салбарын алба хаагчдын хувцасны бүрэн бүтэн байдал, дүрмийн дагуу өмсөж хэрэглэж буй эсэхэд хяналт тавьж, сахилга, дэг журам, эмх цэгцийг хангах чиглэлээр тодорхой үүрэг даалгавар өглөө.
ЭРСДЭЛГҮЙ ӨМНӨГОВЬ-БИДНИЙ ИРЭЭДҮЙ
