Өчигдөр Прокурорын байгууллагаас хар тамхи хэрэглэж, “Канте” шөнийн цэнгээний газрын гадаа бусдыг бүлэглэн зодсон хэргийн сэжигтнүүд болох Ц.Санжаачойпэл, Э.Тэмүүлэн, Л.Алтан-Очир нарыг цагдан хорих саналаа шүүхэд дахин хүргүүлсэн.
Улмаар Прокурорын эсэргүүцлийн дагуу Дүүргийн эрүү, иргэний хялбар ажиллагааны шүүхийн дээд шатны шүүх хуралдаж, шүүгч Б.Билгүүний гаргасан захирамжид бичсэн прокурорын эсэргүүцлийг хүлээн авч Ц.Санжаачойпэл, Э.Тэмүүлэн, Л.Алтан-Очир нарыг 30 хоног цагдан хорихоор боллоо.
Уг сэжигтнүүдэд авсан баривчилж саатуулсан хугацааг 2025 оны 07 дугаар сарын 22-ны өдрийн 21 цаг 40 минут, 2025 оны 07 дугаар сарын 22-ны өдрийн 22 цаг 00 минутанд дууссан. Тэр дор нь эсэргүүцэл гаргасан ч шүүгч нь амарсан гэх шалтгаанаар хойшлуулж, өчигдөр орой хүргэсэн юм.
Энэ хугацаанд Э.Тэмүүлэн, Л.Алтан-Очир, Ц.Санжаачойпэл нар эцэг, эх ба мэргэжлийн хуульчийн тусламжтайгаар хэдийн ам өчгөө тохирч, үгссэн байхыг үгүйсгэх аргагүй юм.
