Онцгой байдлын ерөнхий газраас гамшгийн үед эрэн хайх, аврах ажиллагаанд ашиглагддаг аврагч нохдын чадавхыг нэмэгдүүлэх зорилгоор “Аврагч нохой хөтлөгчийн анхан шатны сургалт”-ыг ОБЕГ-ын харьяа Үндэсний аврах бригадын сургалтын баазад зургаан сарын хугацаатайгаар зохион байгууллаа.
Сургалтад төв болон орон нутгийн Онцгой байдлын газар, хэлтсийн 12 алба хаагч хамрагдсанаас Говийн бүсийн төв- Өмнөговь аймгийн Онцгой байдлын газраас 4 алба хаагч хамрагдаж аврагч нохойтой ажиллах ур чадвар, эрэн хайх ажиллагааны тактик, аврагч нохойн сургалтын арга зүй зэрэг онол, дадлага хосолсон хөтөлбөрийг эзэмшсэн юм.
Энэхүү сургалтад амжилттай хамрагдаж төгссөн алба хаагчид маань ирээдүйд гамшиг, ослын үед хүний амь нас, эрүүл мэндийг аврах чухал үүргийг аврагч нохойтойгоо хамтран гүйцэтгэхэд бэлэн боллоо.
Аврагч нохой бол хүний үнэнч нөхөр, гамшгийн үед амь аврах чадамжтай хамгийн том туслагч билээ.
ЭРСДЭЛГҮЙ ӨМНӨГОВЬ-БИДНИЙ ИРЭЭДҮЙ
