Өмнөговь аймгийн Булган сумын Онцгой комисс, мэргэжлийн ангийн бүрэлдэхүүнийг чадавхжуулах, болзошгүй аюул эрсдэлийн үед ажиллах, мэргэжлийн ангийн бүрэлдэхүүний гамшгаас хамгаалах мэдлэгийг дээшлүүлэх, бэлэн байдлыг хангуулах зорилгоор Онцгой байдлын газрын даргын баталсан удирдамжийн дагуу 2025 оны 09 дүгээр сарын 26-ний өдөр гамшгаас хамгаалах “бэлэн байдлын”-ийг зохион байгуулан ажиллаж байна.
Гамшгийн эрсдэлийг бууруулах, орон нутгийн бэлэн байдлыг хангах зорилгоор сумын мэргэжлийн ангийн бүрэлдэхүүнийг гамшгийн аюулын тухай зарлан мэдээллийн дохиогоор ажиллуулж, эрэн хайх ажиллагааны үед ажиллах дадлага сургуулийг амжилттай зохион байгууллаа.
Дадлага сургуулийн хүрээнд:
• Мэргэжлийн ангийн бүрэлдэхүүн гамшгийн зарлан мэдээллийн дохиогоор богино хугацаанд цугларч, эрэн хайх ажиллагаанд шуурхай ажиллах чадвараа дээшлүүлэв.
• Гамшиг, ослын үед хүн, мал, эд хөрөнгийг эрэн хайх, аврах арга ажиллагааг сурч, уялдаа холбоогоо сайжрууллаа.
• Иргэдэд эрэн хайх, аврах ажиллагааны ач холбогдол болон гамшгаас урьдчилан сэргийлэх мэдлэг мэдээллийг хүргэв.
Ийнхүү зохион байгуулсан дадлага сургуулиар орон нутгийн иргэд, алба хаагчдын гамшгийн үед ажиллах ур чадвар, бэлэн байдлыг дээшлүүлж, хамтын ажиллагааг бэхжүүлэх зорилтыг хэрэгжүүлж байна.
ЭРСДЭЛГҮЙ ӨМНӨГОВЬ – БИДНИЙ ИРЭЭДҮЙ
