Японд батлагдсан шинэ журмын дагуу дугуй унаж байхдаа гар утас ашиглавал зургаан сар хүртэл шоронд хоригдож магадгүй болжээ. Замын хөдөлгөөний шинэчилсэн хуулийг зөрчсөн хүмүүст дээд тал нь зургаан сар хорих ял оногдуулах юм уу 100 мянган иенийн торгууль ногдуулна. Утасны хэрэглээнээс гадна согтууруулах ундааны хэрэглээг ч шинэ дүрэмд тусгажээ. Согтууруулах ундаа хэрэглэсэн үедээ дугуй унавал гурван жил хүртэл хоригдох юм уу 500 мянган иенийн торгууль төлнө.
Covid-19 цар тахлын үед олон хүн нийтийн тээврээс татгалзаж, дугуй унах болсон. Үүнийг дагалдаад 2021 онд унадаг дугуйн ослын тоо нэмэгджээ. Харин өнгөрсөн онд 72 мянга гаруй осол бүртгэгдсэн нь нийт зам тээврийн ослын 20 гаруй хувь байсан. 2024 он гарсаар унадаг дугуйны ослоос болж нэг хүн нас барж, 17 хүн хүнд бэртжээ. Нас барсан хүн нь дугуй унаж явахдаа гар утсаа оролдсон учир осол болжээ.
Дугуй унаж явахдаа утас ашигласнаас үүдэлтэй осол 2018-2022 оны хооронд 454 гарсан. Энэ нь өмнөх таван жилтэй харьцуулбал 50 хувиар өссөн үзүүлэлт юм.
ЭХ СУРВАЛЖ: BBC
