Говийн бүсийн төв-Өмнөговь аймгийн Онцгой байдлын газраас цэргийн тэтгэвэрт гарч байгаа Гурвантэс сум дахь Гал түймэр унтраах, аврах 67 дугаар ангийн Гал түймрийн улсын хяналтын байцаагч, дэд хурандаа Б.Мөнхзулд хүндэтгэл үзүүлэх ёслолын арга хэмжээ зохион байгуулагдлаа.
Арга хэмжээний үеэр олон жилийн хөдөлмөр зүтгэл, онцгой байдлын албанд оруулсан хувь нэмрийг үнэлж, тус газрын хамт олон алд цэнхэр хадаг, мөнгөн аяга гардуулан хүндэтгэл үзүүллээ.
Гал, усны гашуун сорил дунд нэр төртэй тангаргаа биелүүлсэн таны гавьяа үеийн үед гэрэлтэн бадрах болтугай. Цаашдын амьдрал тань аз жаргал, амгалан тайвнаар бялхаж байх болтугай.
ЭРСДЭЛГҮЙ ӨМНӨГОВЬ-БИДНИЙ ИРЭЭДҮЙ
